Udhëheqësi autoritar i Bjellorusisë është një aleat i fortë i Kremlinit dhe mbështetës i asaj që Putin i referohet si “operacioni ushtarak special” – atë që shumica e botës e quan luftën e Rusisë në Ukrainë.
Që nga pushtimi i tij i plotë i Ukrainës një vit më parë, Putin nuk është ulur me gazetarët perëndimorë.
Por sot në Minsk, Lukashenko mori pyetje nga një grup i vogël mediash të huaja, duke përfshirë BBC.
Bashkëpunimi ushtarak midis Rusisë dhe Bjellorusisë ka qenë në rritje, me stërvitje të përbashkëta dhe formimin e një grupimi të përbashkët ushtarak.
Por deri më tani udhëheqësi bjellorus ka shmangur dërgimin e trupave të tij në Ukrainë për të luftuar përkrah forcave ruse.
Britania e Madhe, BE-ja dhe Shtetet e Bashkuara nuk e njohin Aleksandër Lukashenkon si president legjitim të Bjellorusisë.
Në vitin 2020, bjellorusët dolën në rrugë për ta akuzuar atë për vjedhjen e zgjedhjeve presidenciale të vendit. Protestat u shtypën brutalisht, raporton BBC.
Lukashenko përdori ngjarjen e së enjtes për të fajësuar Perëndimin për luftën në Ukrainë.
